Helvítis kokkurinn: Nauta ribeye með röst kartöflum

Í þetta skiptið er það Nauta ribeye með röst kartöflum með bearnaise sósu og grilluðu grænmeti . Uppskriftina úr þættinum má sjá hér að neðan:

Ribeye

• 1 kg nauta ribeye
• 3 msk olía
• 2 msk smjör
• 2 hvítlauksrif
• salt og pipar

Rösti kartöflur

• 2 stórar bökunnar kartöflur
• 100 gr rófa
• 2 msk olía
• 1 msk smjör
• salt og pipar

Grillað grænmeti

• 1/2 eggaldin
• 1/2 zuccini
• 1 rauð paprika
• 1 gul paprika
• 3 msk olía
• salt og pipar

Bearnaise sósa

• 3 eggjarauður
• 300 gr smjör
• Cayenne pipar á hnífsoddi
• 1 tsk estragon
• 1 msk bearnaise essense
• nautakraftur eftir smekk
• vatn

Aðferð:

1. Skerið kartöflur og rófur í strimla beint ofan í kalt vatn og látið þær standa í 1 klst í kæli til að ná sterkju burt. Sigtið allt vatn frá og þerrið með viskastykki. Mótið strimlana í kökur og steikið upp úr olíu í 5 mínútur á hvorri hlið, kryddið með salti og pipar og bætið síðan smjöri á pönnu áður en slökkt undir.
2. Skerið grænmetið í hæfilega bita til steikingar, penslið með olíu og kryddið með salti og pipar. Eldið á grillpönnu á háum hita.
3. Skerið ribeye í steikur og leyfið þeim að ná stofuhita. Saltið og piprið kjöt fyrir steikingu. Steikið kjötið á pönnu á öllum hliðum í nokkrar mínútur upp úr olíunni.
4. Á þessu stigi er best að setja kjöthitamæli í steikina. Því næst seturðu smjörið og hvítlauksrifið á pönnuna og baðið steikina upp úr smjörinu með skeið þangað til kjötið hefur náð réttu hitastigi, slökkvið undir pönnunni og leyfið kjötinu að jafna sig á pönnunni. Útbúið sósuna á meðan.
5. Bræðið smjörið á lágum hita á meðan þú hrærir eggjarauðurnar í hitabaði. Blandið smjöri hægt út í eggjarauðurnar þegar réttri áferð er náð. Blandið cayenne pipar, estragon, essense og krafti út í og smá vatni ef sósan er of þykk.

Njótið vel kæru lesendur!