Enski boltinn

Meiðsli Liverpool stjarnanna ekki alvarleg

Arnar Geir Halldórsson skrifar
Mo Salah vonsvikinn af velli í dag.
Mo Salah vonsvikinn af velli í dag. vísir/Getty

Jurgen Klopp reiknar með að Mohamed Salah og Virgil van Dijk verði báðir klárir í slaginn fljótt eftir að hafa þurft að fara meiddir af velli í bikarúrslitaleik Liverpool og Chelsea í dag.

Salah fór af velli eftir rúmlega hálftíma leik en hann sagði sjálfur í leikslok að hann yrði pottþétt búinn að ná sér fyrir úrslitaleik Meistaradeildar Evrópu gegn Real Madrid sem fram fer þann 28.maí næstkomandi.

Van Dijk fór af velli í lok venjulegs leiktíma og tók því ekki þátt í framlengingunni og vítaspyrnukeppninni.

Samkvæmt Jurgen Klopp, stjóra Liverpool, voru meiðsli hollenska varnarmannsins smávægileg.

Liverpool er enn að eltast við enska meistaratitilinn og mæta Southampton í ensku úrvalsdeildinni á þriðjudag.

Enski boltinn

Tengdar fréttir

Klopp: Ég gæti ekki verið stoltari

Jurgen Klopp, stjóri Liverpool, var að vonum í skýjunum eftir að hafa séð lið sitt tryggja enska bikarmeistaratitilinn á Wembley í dag.

Mest lesið


Fleiri fréttir

Sjá meira


×

Mest lesið