Laddi 75 ára: Skapar nýja karaktera í lyftuspeglum

Laddi leit við í Bítinu fyrr í dag og grínaðist aðeins í tilefni afmælisins.

„Ég get ekki verið kyrr, ég verð að vera að gera eitthvað,“ sagði Laddi meðal annars í viðtalinu. 

Hann hefur leikið marga einstaka karaktera á ferlinum. Dengsi, Elsa Lund, Skúli rafvirki, Salomon í Stellu í Orlofi, Dr. Saxi, Magnús, Eiríkur Fjalar og Marteinn Mosdal eru þar á meðal. Hann er samt sífellt að finna upp á nýjum karakterum. 

„Yfirleitt þegar ég fer í lyftu, það er alltaf spegill í lyftu, leið og ég sé mig þá bara „nei blessaður“ og þá tek ég karaktera sem enginn hefur séð áður,“ viðurkennir Laddi.

„Þá er ég með smá show fyrir sjálfan mig, þá er ég að búa til svipi og svona.“

Viðtalið má heyra í heild sinni í spilaranum hér fyrir neðan.

Á sjónvarps- og útvarpsvef Vísis má finna mörg myndbönd með þessari þjóðargersemi. Í tilefni af 75 ára afmælis Ladda tókum við saman nokkra gullmola úr safninu.

Ríkislímonaði

Laddi bregður sér í hlutverk Marteins Mosdals, sem er ekki sáttur með það magn gosdrykkja sem stendur neytendum til boða.

Heilsubælið

Grínistarnir Gísli Rúnar og Laddi rifjuðu upp árin í Heilsubælinu í Gervahverfi í tilefni þess að þættirnir voru gefnir út á DVD árið 2010.

Á Bylgjunni

Halli og Laddi mættu til Hemma Gunn á Bylgjunni árið 2013.

Magasín

Edda Björgvins og Laddi kepptu í Tímasprengjunni í morgunþættinum Magasín árið 2011.

Ísland í dag

Ísland í dag heimsótti Ladda árið 2019 og má sjá viðtalið í spilaranum hér fyrir neðan.