Bein útsending: Steindi og félagar spila inn í nóttina

Tinni Sveinsson skrifar 23. september 2021 20:30

Steindi og félagar sjá um þáttinn Rauðvín og klaka á Stöð 2 Esport á fimmtudagskvöldum.

Þátturinn Rauðvín og klakar snýr aftur á Stöð 2 Esport klukkan 21 í kvöld en þar spilar Steinþór Hróar Steinþórsson tölvuleiki með góðum vinum sínum.

Áhorfendur geta fylgst með í gegnum Stöð 2 Esport og einnig hér á Vísi og Twitch.

Streymi Steinda og félaga, þeirra Digital Cuz, Óla Jó og MVPete, er stærsta íslenska leikjarstreymið landsins og stóðu þeir félagar fyrir flugeldasýningu öll fimmtudagskvöld í fyrravetur.

Ný þáttaröð hófst fyrr í ágúst og í kvöld heldur keyrslan áfram.

Steindi hvetur fólk til þess að ekki bara fylgjast með heldur einnig að taka þátt í umræðunni í spjallinu við útsendinguna á Twitch en þeir félagar spila í rauntíma.

Hægt er að horfa á beina útsendingu Stöðvar 2 Esport í spilaranum hér fyrir neðan.

Rauðvín og klakar Rafíþróttir