Volkswagen staðfestir hraðskreiðan rafhlaðbak

Bíllinn verður fjórhjóladrifinn og mun vera með Drift stillingu. Þá mun hann vera um 5,3 sekúndur úr kyrrstöðu upp í 100km/klst.

Brandstätter hafði þegar sýnt frá bílnum á LinkedIn síðu sinni, en þá undir þeim formerkjum að ekki stæði til að selja bílinn. Nú hefur tónninn breyst og bíllinn væntanlegur á markað.

ID.X verður byggður á grunni ID.3 hlaðbaksins sem var fyrsti bíllinn í ID línu Volkswagen. Síðan þá hefur ID.4 einnig verið kynntur til sögunnar. Fleiri bílar eru væntanlegir á næstunni.

Brandstätter hefur sagt að aukið afl leiði af sér minni drægni en hann hefur einnig talað um að margar stærðir rafhlaða verði fáanlegar. Volkswagen ætlar að framleiða R-útgáfu af ID.3 sem er auðkenning sem Volkswagen notar á sportlegustu útgáfur bíla sinna. Sá bíll er þó ekki væntanlegur fyrr en árið 2024.