104 sm lax úr Laxá í Aðaldal

Laxar yfir 100 sm er eitthvað sem alla veiðimenn dreymir um að fá að upplifa og í morgun var Aðalsteinn Jóhannsson á fá og landa þessum glæsilega 104 sm fisk á Mjósundi í Laxá í Aðaldal í morgun. Laxinn kom á lítinn Sunray Shadow en fiskurinn var vigtaður 11,6 kg. Þetta er eftir því sem við best vitum stærsti laxinn á landinu í sumar en sá sem er þá kominn í það að vera sá næst stærsti kom úr Jöklu hjá Nils Folmer. Ef smálaxagöngurnar verða eitthvað daprar á þessu ári skulum við bara vona að færri laxar þýði bara fleiri stórlaxar, það er heldur ekkert til að kvarta yfir.