Lífið

Vinamótin fá sýningardag

Birgir Olgeirsson skrifar
Allir aðalleikararnir snúa aftur.
Allir aðalleikararnir snúa aftur. Vísir/Getty

Sérstakur þáttur bandarísku gamanþáttanna Friends hefur fengið sýningardag á streymisveitunni HBO Max. Þátturinn hefur fengið heitið Friends: The Reunion og verður sýndur 27. maí næstkomandi.

Þessarar endurkomu hefur verið beðið með mikilli eftirvæntingu undanfarin ár en aðalleikarar þáttanna hafa lengi gefið til kynna að hann væri í bígerð. Þátturinn átti að vera sýndur fyrir ári en því var seinkað vegna heimsfaraldurs kórónuveirunnar.

Allir aðalleikararnir snúa aftur, en þeir eru Jennifer Anniston, Courtney Cox, Lisa Kudrow, Matthew Perry, Matt LeBlanc og David Schwimmer.

Talið er að hvert þeirra fái að lágmarki 2,5 milljónir Bandaríkjadala í sinn hlut fyrir þennan þátt.

Fjöldi gestaleikara verður í þessum þætti. Þar á meðal David Beckham, Justin Bieber, BTS, James Corden, Cindy Crawford, Cara Delevingne, Lady Gaga, Elliot Gould, Kit Harington, Larry Hankin, Mindy Kaling, Thomas Lennon, Christina Pickles, Tom Selleck, James Michael Tyler, Maggie Wheeler, Reese Witherspoon og Malala Yousafzai.

Árið 2020 glataði Netflix réttinum að öllum tíu þáttaröðum Friends til HBO Max en talið er að kaupverðið hafi verið rúmar 400 milljónir dala.

Stiklu úr þættinum má sjá hér fyrir neðan: 

Friends Hollywood Bíó og sjónvarp Bandaríkin


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.