Handbolti

Viggó fór á kostum gegn lands­liðs­­þjálfaranum og Ómar gerði ellefu mörk

Anton Ingi Leifsson skrifar
Viggó Kristjánsson er að gera virkilega góða hluti í Þýskalandi.
Viggó Kristjánsson er að gera virkilega góða hluti í Þýskalandi. Tom Weller/Getty

Fimm leikjum er lokið í þýsku úrvalsdeildinni í handbolta í dag. Alexander Petersson lék ekki með Flensburg er liðið vann sjö marka sigur á Hannover-Burgdorf, 33-26 í fyrsta leik dagins. Flensburg er á toppi deildarinnar með 27 stig, fjórum stigum á undan Rhein-Neckar Löwen.

Viggó Kristjánsson, markahæsti maður deildarinnar, hélt uppteknum hætti í dag. Hann skoraði níu mörk er lið hans Stuttgart vann sigur á Melsungen 30-28.

Guðmundur Guðmundsson er þjálfari Melsungen en Arnar Freyr Arnarsson skoraði eitt mark fyrir Melsungen. Stuttgart er í tíunda sæti deildarinnar en Melsungen í ellefta sæti. Stuttgart hefur þó leikið átján leiki en Melsungen tólf.

Magdeburg vann 29-28 sigur á Minden. Ómar Ingi Magnússon skoraði ellefu mörk, þar af níu úr vítum, og Gísli Þorgeir Kristjánsson bætti við tveimur mörkum. Magdeburg er í fimmta sæti deildarinnar.

Rhein Neckar Löwen tapaði nokkuð óvænt, x-x, fyrir Göppingen á útivelli. Ýmir Örn Gíslason skoraði eitt af mörkum Ljónanna sem eru í öðru sætinu, fjórum stigum á eftir Flensburg.

Arnór Þór Gunnarsson skoraði fimm mörk fyrir Bergrischer sem tapaði með minnsta mun fyrir Leipzig, 30-29, á heimavelli. Bergrischer er í sjötta sæti deildarinnar.

Þýski boltinn

Mest lesið


Fleiri fréttir

Sjá meira


×

Mest lesið