Nýr veiðiklúbbur hjá Fish Partner

Fish Partner hefur verið einn af þeim veiðileyfasölum sem hefur vaxið mikið síðustu ár og nú var félagið að auka við þjónustu sína enn frekar.

Heimasíða Fish Partner var tekin í gegn til að bæta virkni vefsölunar, auka hraða og gera að öllu leyti notendavænni. Félagið hefur líka bætt við sig nokkrum veiðisvæðum og startað sérstökum veiðiklúbb þar sem meðlimir fá betri kjör á veiðileyfum, afslætti, árskort í nokkur vötn og margt fleira. Meðal þeirra svæða sem félagið hefur nú á boðstólnum má nefna Jónskvísl, Sýrlæk, Grenlæk, Minnivallalæk og Nyrðri og syðri Ófærur. Bætist þetta við þegar gott úrval af veiðileyfum og þá sérstaklega hálendisveiðina en þar hafa þeir sérhæft sig með frábærum árangri frá stofnun. 

Nýja heimasíðu má finna HÉR.