Þú átt aldrei nóg af Peacock

Nú sitja veiðimenn landsins yfir hnýtingar græjunum og undirbúa sig fyrir komandi veiðisumar en það styttist hratt í það.

Það er oft rætt milli veiðimanna hvaða flugur eru nauðsynlegar í boxið og flest árin höfum við skoðað hvaða flugur við teljum skyldueign í laxa og silungaboxin. Við ætlum ekkert að breyta út af vananum þetta árið og ætlum reglulega fram á vor að minna ykkur sem hnýtið flugur á hvaða flugur eru nauðsynlegar í boxið.

Við skulum byrja á þeirri flugu sem allir silungsveiðimenn þurfa að eiga. Ef þú átt hana ekki, þarftu hana, ef þú hefur aldrei heyrt um hana ertu nýbyrjaður í veiði og þá skulum við aðeins fræði þig um þetta undravopn. Flugan Peacock er líklega ein einfaldasta silungaflugan sem þú getur hnýtt. Einfaldasta útgáfan af henni eru bara nokkrar fanir af páfuglsfjöður vafðar þétt utan um flugukrók. Og það er allt og sumt. Svo eru til útgáfur af henni sem er gott að eiga. Kúluhaus, rauður haus, kúluhaus með nettum rauðum hálsi, bæta við smá skeggi, kannski pínu skott og svona mætti lengi halda áfram. 

Þetta er líklega sú fluga sem gefur hvað best í allri vatnaveiði á íslandi og er yfirleitt veitt nokkuð djúpt og dregin löturhægt inn. Stærðir 12-16# eru mest notaðar en útgáfurnar af henni endalausar.