Rauðvín og klakar: Nýársþáttur Steinda og félaga

Tinni Sveinsson skrifar 2. janúar 2021 20:52

Þátturinn Rauðvín og klakar er sýndur á Stöð 2 Esport, sem er í opinni dagskrá.

Þátturinn Rauðvín og klakar snýr aftur á Stöð 2 Esport klukkan 21 í kvöld. Um er að ræða sérstakan nýársþátt og er gesturinn að þessu sinni söngvarinn Floni.

Áhorfendur geta fylgst með í gegnum Stöð 2 Esport og einnig hér á Vísi og Twitch en í þættinum spilar Steinþór Hróar Steinþórsson tölvuleiki með vinum sínum og drekkur eina rauðvínsflösku með.

Streymi Steinda og félaga á Twitch er stærsta íslenska leikjarstreymið landsins og hafa þeir félagar staðið fyrir flugeldasýningu öll fimmtudagskvöld klukkan 21.

Steindi hvetur fólk til þess að ekki bara fylgjast með heldur einnig að taka þátt í umræðunni í spjallinu við útsendinguna á Twitch en þeir félagar spila í rauntíma.

Klippa: Rauðvín og klakar - nýársþáttur

Hægt er að horfa á beina útsendingu í spilaranum hér fyrir ofan.

Rafíþróttir Rauðvín og klakar