Fyrstu PS5 tölvurnar af­hentar á mið­nætti í gær

Vodafone hóf á miðnætti afhendingar á PlayStation 5 tölvum til viðskiptavina sinna en vélin seldist upp á örfáum klukkustundum þegar forsala hófst þann 17. september síðastliðinn.

Spenntir viðskiptavinir mættu að höfuðstöðvum Vodafone á miðnætti í gær en tölvan er eitt eftirsóttasta tæki heims og kemur því ekki á óvart að tölvurnar hafi selst á methraða. Viðskiptavinirnir heppnu voru leystir út með gjafapoka í tilefni dagsins.

„Það var ánægjulegt að geta afhent vélarnar fyrstir söluaðila hér á landi enda ekki til eftirsóttara tæki í heiminum í dag,“ segir Magnús Hafliðason, forstöðumaður markaðs – og samskiptasviðs Vodafone.

Vísir og Vodafone eru í eigu Sýnar.