Klara hefur þurft að eiga við eltihrella

Klara Ósk Elíasdóttir, betur þekkt sem Klara í Nylon, mætti í yfirheyrslu í Brennslunni á FM957 á dögunum og svaraði þar nokkrum skemmtilegum spurningum.

Hún myndi aldrei fá sér ost og kjöt á pítsu þar sem hún er vegan.

Klara ætlaði sér alltaf að verða söngkona alveg frá barnsaldri.

Ef hún gæti drepið einn sjónvarpskarakter í dag yrði það Donald Trump núverandi forseti Bandaríkjanna, en hans forsetatíð verður á enda í janúar.

Hún fær oft á tíðum martraðir og vakna oft upp sveitt.

Hennar helsti galli er: „Ég ofhugsa hlutina.“

Klara er nýflutt heim frá Los Angeles þar sem hún starfi í tónlist um áralangt skeið. Karla sagði frá því að hún hafi lent í eltihrelli.

„Þetta hefur verið vægt en hefur alveg gerst,“ sagði Klara í yfirheyrslunni.