Sveinn kemur inn í íslenska hópinn

Guðmundur Guðmundsson hefur gert eina breytingu á íslenska landsliðshópnum sem mætir Noregi í milliriðli II á EM í dag.

Sveinn Jóhannsson kemur inn í hópinn fyrir Arnar Frey Arnarsson.

Sveinn var utan hóps í fyrstu fimm leikjum Íslands á EM. Hann er á sínu fyrsta stórmóti með landsliðinu.

Sveinn leikur með SønderjyskE í Danmörku og er á sínu fyrsta tímabili í atvinnumennsku. Áður lék hann með Fjölni og ÍR hér heima.

Leikur Íslands og Noregs hefst klukkan 17:15 á eftir og verður í beinni textalýsingu á Vísi.