Danir kalla á hetju Guðmundar frá því á Ólympíuleikunum

Danir hafa gert breytingu á leikmannahópi sínum eftir tapið á móti Íslandi í fyrsta leik EM 2020.

Nikolaj Jacobsen, þjálfari danska landsliðsins, ákvað að kalla á Morten ToftOlsen sem kemur inn í hópinn fyrir Jacob Holt.

Morten ToftOlsen er 35 ára gamall og spilar með TSVHannover-Burgdorf í Þýskalandi þar sem hann var valinn leikmaður ársins í fyrra.

Today's replacements!@dhf_haandbold@MKSZhandball#Montenegro@rushandball#ehfeuro2020#dreamwinrememberpic.twitter.com/xdDeUxI6HK

— EHF EURO (@EHFEURO) January 13, 2020

Í vetur hefur Olsen skorað 97 mörk og gefið 64 stoðsendingar í átján leikjum og er því að koma að 8,9 mörkum í leik með Hannover-Burgdorf.

Margir muna líka eftir frammistöðu hans á Ólympíuleikunum í Ríó 2016 þegar Guðmundur Guðmundsson gerði Dani að Ólympíumeisturum.

Morten Olsen var hetja danska liðsins í Ríó í forföllum Rasmus Lauge og launaði íslenska þjálfaranum traustið að velja sig í fjórtán manna hópinn með því að skora 30 mörk í keppninni.

Morten Olsen tók af skarið og skorað mikilvæg mörk þegar danska liðið vann Ólympíugullið í fyrsta sinn.

Danir mæta Ungverjum í dag og verða að vinna til þess að eiga möguleika á því að komast upp úr riðlinum.