„Eftir 9 meðferðir og þrjú börn datt inn ein óvænt en mjög velkomin ólétta“

Björgvin Páll Gústavsson handboltakappi með meiru og eiginkona hans, Karen Einarsdóttir, eiga á von á sínu fjórða barni.

Björgvin greinir frá þessu á Facebook-síðu sinni þar sem hann birtir fallegt myndband þegar þau hjónin tilkynntu elstu dóttur sinni tíðindin. Hún fæddist árið 2013 en hjónin eignuðust síðan tvíbura árið 2017.

„Óvæntur glaðningur! Fjórða krílið á leiðinni! Margt „skrítið” í þessu lífi en eftir 9 meðferðir og þrjú börn datt inn ein óvænt en mjög velkomin ólétta. Hlökkum til að verða fleiri í kringum áramótin,“ skrifar Björgvin á Facebook.