Ekkert fær PSG og Barcelona stöðvað heima fyrir | Sig­valdi í stuði

Guðjón Valur Sigurðsson skoraði tvö mörk úr þremur skotum er PSG vann stórsigur á Tremblay, 41-32, í frönsku úrvalsdeildinni í handbolta í kvöld.

PSG er með fullt hús stiga á toppi deildarinnar en liðið hefur unnið tólf fyrstu leiki sína í deildinni. Tremblay er í næst neðsta sæti deildarinnar.

30' : C'est la pause ! Paris mène de quatre buts ! #TREPSGpic.twitter.com/N7Mtomyoq1

— PSG Handball (@psghand) December 11, 2019

Aron Pálmarsson var ekki með Barcelona er liðið vann sigur á Puente Genil, 33-27. Barcelona er einnig með fullt hús stiga á Spáni en liðið er með 30 stig eftir leikina fimmtán sem búnir eru.

#HandbolLive#LiveASOBAL

@AngelXimenezBM 27-33 Barça

Final! / ¡Acaba el partido!

J15 Liga @ASOBAL

#ForçaBarça#PGEBARpic.twitter.com/or1T7DLC9i

— Barça Handbol (@FCBhandbol) December 11, 2019

Sigvaldi Guðjónsson skoraði svo sjö mörk er Elverum vann fjögurra marka sigur á Halden, 33-29, í norska boltanum.

Elverum er í öðru sæti deildarinnar, stigi á eftir Kolstad, en Sigvaldi og félagar eiga þó leik til góða.

Sigvaldi yfirgefur Elverum í sumar og heldur til Póllands þar sem hann gengur í raðir Kielce.