Continental kynnir sjálfblásandi dekk

Sjálfblásandi dekk eru að mati dekkjaframleiðandans Continental sjálfsagður hluti af sjálfvirkri framtíð samgangna.

Skynjarar í dekkjunum eru tengdir við stjórntölvu bílsins og þaðan streyma hinar ýmsu upplýsingar. Upplýsingarnar kunna að nýtast til að auka hagkvæmni í akstri og til að tryggja aukið öryggi.

Skemmdir, hitastig og loftþrýstingu eru þeir þrír þættir sem flotastjórum eða eftir atvikum einstaklingum, verður gert kleift að skoða. Hins vegar er dekkið full fært um að halda stöðugum þrýstingi með því að sjúga í sig loft þegar það rúllar um göturnar. Það blæs sig sjálft upp.

Kraftar sem verða til við hröðun pressa loft sem er svo geymt og nýtt ef þarf að bæta á. Með þessu má sem áður segir bæði auka öryggi og hagkvæmni. Það væri einkennilegt ef sjálfkeyrandi bílar framtíðarinnar neituðu að aka um vegna þess að loftþrýstingurinn er ekki réttur. Þá væri gott að vera með sjálfblásandi dekk.