Sjálfsfróunin kom Völu Grand mest á óvart

Vala Grand vakti fyrst athygli hér á landi fyrir þrettán árum en hún fór í gegnum kynleiðréttingarferli árið 2010.

Vala er gestur vikunnar í Einkalífinu og opnaði hún sig um kynleiðréttingarferlið sjálf og hvernig tilfinningin hafi verið þegar hún var loksins komin í réttan líkama.

„Ég verð að viðurkenna það að í fyrsta skipti sem ég upplifði sjálfsfróun var ég alveg bara vó,“ segir Vala Grand.

„Ég spurði allar vinkonur mínar hvort þetta væri virkilega svona. Þegar strákar eru að stunda sjálfsfróun þá er þetta bara búúúm. En hjá stelpum er þetta bara í gangi í mínútu,“ segir Vala og biðst þarna afsökunar á því hvað hún sé opin með allt.

„Sorry til þeirra sem eru viðkvæm fyrir þessu. Ég er bara hreinskilin. Það pæla allir í þess hvort þetta sé það sama. Nú ætla ég bara að segja, þetta er ekki það sama. Tilfinningin er að þú hristist einhvern veginn þegar þú ert komin með vinkonunni,“ segir Vala og bætir við að ekki allt transfólk hafi slík taugaboð eftir aðgerð.

Í þættinum hér að ofan ræðir Vala einnig um sviðsljósið og athyglina, barnæskuna, ofvirknina, um kærastann sem tekur henni eins og hún er, framtíðina og margt fleira.