Sýnir frá tökum á Bad Boys 3 og þar sést að heimsþekktur tónlistarmaður er í aukahlutverki

Sextán árum eftir að Bad Boys 2 kom út er orðið ljóst að þriðja myndin er á leiðinni í kvikmyndahús og mun hún bera nafnið Bad Boys for Life.

Will Smith og Martin Lawrence fara með aðalhlutverkin í þriðju  myndinni, rétt eins og í hinum tveimur. Myndin kemur í kvikmyndahús á næsta ári.

Bad Boys kom út árið 1995 og seinni myndin síðan árið 2003. Báðar voru mjög vinsælar en þær fjölluðu um lögreglumennina Marcus Burnett og Mike Lowrey.

Will Smith sýnir frá tökum á þriðju myndinni á YouTube rás sinni og þar kemur meðal annars í ljós að DJ Khaled er með hlutverk í myndinni, eins og sjá má hér að neðan.