Skutu úr skriðdreka og fallbyssu úr seinni heimstyrjöldinni og sýna frá því ofurhægt

Þeir Gavin Free og Daniel Gruchy hafa um ára bil skemmt notendum Youtube með því að taka upp hinar ýmsu athafnir á miklum hraða og í hárri upplausn á rásinni Slow Mo Guys.

Innslög þeirra eru gríðarlega vinsæl á YouTube og horfa margar milljónir á hvert myndband. Á dögunum voru þeir félagar hér á landi  eins og Vísir greindi frá.

Í nýjasta myndbandinu eru þeir staddir í Texas í Bandaríkjunum og fengu skriðdreka úr seinni heimstyrjöldinni til að leika sér með. Skotið var úr skriðdrekanum og að sjálfsögðu er sýnt frá því ofurhægt eins og þeir gera alltaf.

Einnig voru þeir með fallbyssu úr seinni heimsstyrjöldinni og skutu kúlu í fjölmargar melónur og sýna einnig mjög hægt.

Hér að neðan má sjá útkomuna.