Hjörvar hringdi í Aron Einar og var mjög óþægilegur

Hjörvar Hafliðason, einn af umsjónarmönnum Brennslunnar á FM957, hringdi í Aron Einar Gunnarsson, landsliðsfyrirliða og leikmann Cardiff á dögunum og tók nokkuð góðan símahrekk á landsliðsfyrirliðann.

Hjörvar hringdi og bað Aron um endalaust margar greiða. Cardiff spilar gegn Manchester United um helgina og bað Hjörvar um áritun frá Pogba, treyju og markmannshanska frá David De Gea en báðir eru þeir leikmenn Manchester United.

Hjörvar hringdi sem stuðningsmaður Manchester United og var ekki að þykjast vera neinn annar en hann sjálfur.

Hrekkurinn heppnaðist fullkomlega en Aron Einar er greinilega mikill sómapiltur. Aron gaf á dögunum út ævisögu sína og hefur hún selst nokkuð vel í verslunum landsins fyrir jólin.