Sigga Dögg segir smjör afleitt sleipiefni

Kynfræðingurinn Sigga Dögg er með áríðandi tilkynningu á Facebook-síðu sinni en þar segir hún að smjör sé ekki gott sleipiefni.

Ástæðan fyrir tilkynningunni frá Siggu kemur í kjölfar orðalags Gunnars Braga úr leynilegum upptökum sem voru gerðar á hótelbar þar sem þingmennirnir sátu að sumbli.

Þar sagði Gunnar Bragi: „Geir slapp í gegnum þetta eins og smjör á smokknum hjá honum þarna Friðriki Ómari,“ sagði Gunnar um atburðarrásina þegar Geir H. Haarde var skipaður sendiherra.

„Smokkar eru smurðir með sleipiefni EKKI smjöri,“ segir Sigga Dögg og heldur áfram:

„Ekki smyrja smokkinn með smjöri, smokka þarf ekki að smyrja sérstaklega, smjör eykur hættuna á að smokkurinn rifni og ekki smyrja kynfærin með smjör...eða rassinn“