Sjóbirtingsveiðin fer vel af stað

Það styttist í að fyrstu árnar í laxveiðinni loki en þó að laxveiðin sé að róast eru góðar fréttir af sjóbirting fyrir austann.

Við höfum verið að fá ágætis fréttir af nokkrum veiðislóðum og þar á meðal úr Vatnamótunum en þar virðist veiðin vera að fara ágætlega af stað.  Sjóbirtingstímabilið er er detta í gang og það eru flestir sammála um að stofninn virðist vera á uppleið.  Það hefur verið eftir því tekið t.d. í Tungulæk, Tungufljóti, Grenlæk og víðar að betri umgengni við stofninn þar á meðal að sleppa stórum fiski aftur er greinilega að hafa góð áhrif.  Veiðimenn hafa að sama skapi lagst á sveif með því að gæta hófs í því sem er hirrt.  Næstu tveir mánuðir eru besti tíminn og fyrir þá sem náðu ekki úr sér veiðihrollinum í lax og silung í sumar þá er um að gera að reyna við sjóbirting því það eru fáir fiskar sem er jafn gaman að eiga við og nýgengin sjóbirtingur.