Eystri Rangá komin yfir 3.000 laxa

Nýjar veiðitölur frá Landssambandi Veiðifélaga sýna að það hefur hægst á veiðinni um allt land nema þá í Eystri Rangá en þar er allt ennþá á fullu flugi.

Eystri Rangá er komin í 3.060 laxa en sú tala sem er birt á síðunni www.angling.is er frá því á miðvikudaginn var en samkvæmt okkar heimildum er áin að fara detta í 3.500 laxa í þessari viku,  Sem dæmi um hvað veiðin hefur verið góð þá voru fimm stangir í ánni að veiða saman fyrir nokkrum dögum og var sá hópur einn með 160 laxa.  Það hafa verið mjög góðar göngur í Eystri og skilyrðin góð svo það má reikna með áframhaldi á góðri veiði í ánni.

Systuránni Ytri Rangá vegna ekki alveg jafn vel en þar hafa komið á land 2.556 laxar og hefur hægst mikið á veiðinni þar uppá síðkastið.  Heildarveiðin í ánnií fyrra var 7.451 lax svo það er ljóst að það vantar mikið uppá göngur í hana í sumar.