Staðfesti orðróminn um trúlofunina

SNL leikarinn Pete Davidson var gestur hjá Jimmy Fallon í gær og staðfesti þá opinberlega að hann og söngkonan Ariana Grande væru trúlofuð. Sögusagnir hafa verið í gangi um mögulega trúlofun þeirra en þau hafa aðeins verið par í nokkrar vikur.

„Mér líður eins og ég hafi unnið keppni,“ sagði Davidson eftir að Fallon hafði óskað honum til hamingju. Davidson furðaði sig á áhuga fólks á sambandi þeirra en virðist mjög hamingjusamur.

„Ég er heppinn.“

Hann sýndi nýja húðflúrið sitt, sem eru kanínueyru. Grande er þekkt fyrir að vera með kanínueyru svo augljóslega var það innblásturinn. Einnig fékk hann sér stafina AG á höndina. 

Davidson er þekktastur fyrir leik sinn í gamanþáttunum Saturday Night Live en hann byrjaði í þættinum aðeins tvítugur og er einn yngsti leikari í sögu SNL. Hann leikur einnig í Netflix kvikmyndinni The Set Up sem kom út á dögunum. 

Leikarinn Robert Pattinson var einnig gestur í þættinum hjá Fallon og kom í ljós að Davidson er mikill aðdáandi hans.

„Mér finnst hann einn besti leikari okkar kynslóðar.“

Viðtalið má sjá í heild sinni í spilaranum hér að neðan.