Lögðu á sig sólarhringslangt ferðalag til að endurtaka Frakklandsævintýrið

Ferðalagið gékk nokkuð vel segir frá Ísafirði. Einar Gunnlaugsson og dóttir hans Kolfinna Brá Eva komu frá Ísafirði og voru einn og hálfan sólarhring á leiðinni.

„Ég á líka afmæli á morgun og þetta er sannarlega þess virði“, segir Einar. „Dóttir mín gaf mér þetta í afmælisgjöf og þetta er jafnframt útskriftargjöf fyrir hana og því tilefni til að fara á leikinn“.

 

Guðni Páll Guðmundsson var á EM í Frakklandi fyrir tveimur árum og segir að ferðalagið til Rússlands hafi gengið vel. „Það var annað en fyrir tveimur árum þegar við ákváðum að taka tvö gististopp í Þýskalandi. Það var fáránleg ferð en gékk vonum framar eins og íslenska landsliðinu í keppninni. Það er því ekki yfir neinu að kvarta“.

 

Hvernig tekur Moskva á móti Íslendingunum?

 

„Mér finnst hún bara fín. Óvenjuhrein og tiltölulega ódýr miðað við hvað við bjuggumst við. Við erum bara búin að vera hér í sólarhring og kannski ekki mikið hægt að segja“, segir Ragnar Alexander. Sem er ekki alveg viss um að hann vildi búa í Moskvu, „kannski í fína hlutanum“.

 

Það er ekki amalegt að fá flotta fótboltaferð í útskriftargjöf. Kolfinna Brá Eva Einarsdóttir segir þetta mikla upplifun og sér alls ekki eftir því að hafa skellt sér til Moskvu.

 

Við hverju búast menn við á morgun? „Einn besti fótboltamaður í heimi að mæta Íslendingum. Við sáum leikinn við Portúgala í Frakklandi á EM sem var með í sínu liði einn besta fótboltamann heims. Þá gerðum við 1-1 jafntefli en Portúgalar fóru alla leið og urðu Evrópumeistarar.

Þetta verður „passífur“ leikur fyrir báðar þjóðir. Bæði lið gæta sín á því að gera ekki mörg mistök, 1-1 yrðu bara flott úrslit. Ég er mjög bjartsýnn að eðlisfari og get alveg séð að við vinnum 2-1“, segir Garðar Helgi.

 

„Við skautum snemma inn einu marki og komum þeim úr jafnvægi, þá gæti allt gerst“.

 

En litli maðurinn í treyju númer 10 er hann eitthvað sem við þurfum að hafa áhyggjur af?

 

„Það verður ansi erfitt að sjá hann hlaupa á vörnina aftur og aftur. Það er bara að þreyta þessa menn í 30 mínútur og sjá hvað gerist þá“, Sigþór Jens er með þetta á hreinu

 

Við hljótum að fá einhver færi okkar leikmenn eru stærri en þeir argentínsku?

 

„Auðveldlega. Þeir eru með gamla miðverði og því ekkert ólíklegt að Íslendingar skjóti inn einu marki og getum gert þá alveg stressaða“, segir Ragnar Pétur

 

„Gott að vera með háa pressu og þá er gott að vera með Alfreð Finnbogason sem er tilbúinn að taka hlaupin allan tímann og þreyta þessa gæja."

Ef allt bregst og staðan er 1-0 fyrir Argentínu og hálftími eftir er þá er gott að nota hæð Jóns Daða Böðvarssonar ef hann byrjar ekki inná, reyna að fá hornin, aukaspyrnurnar. Ég hef litlar áhyggjur,” Garðar Helgi er búinn að sjá úrslitin fyrir sér.

 

Eruð þið ekki hrædd um að þetta verða burst?

 

„Nei ég held ekki. Íslendingar eiga eftir að standa í þeim, við munum gera það, segir Sigþór Jens.

 

Einar var einn og hálfan sólarhring á leiðinni frá Ísafirði. Er hann tilbúinn að eyða einum og hálfum sólarhringi í heimferðina ef Ísland vinnur?

 

„Að sjálfsögðu. Ég verð alltaf að fara heim því ég get ekki framlengt. En þetta er alveg vel þess virði“

 

„Við tökum alla þrjá leikina í riðlakeppninni og eftir leikinn í Rostov tekur við 32-33 tíma lestarferð til Sánkti Pétursborgar. Þetta verður djöfulsins vitleysa,” segir Guðmundsson við hlátur félaga sinna á tólftu hæðinni á Peking hótelinu í Moskvu.