Nýi aðstoðarmaðurinn hennar Ólafíu er Wildman

Ólafía Þórunn Kristinsdóttir hefur leik á fyrsta móti ársins á LPGA mótaröðinni í golfi á morgun fimmtudag en Íþróttamaður ársins 2017 keppir á Pure Silk mótinu á Bahamaeyjum.

Ólafía Þórunn lék á þessu móti í fyrra en það var jafnframt fyrsta mót hennar á sterkustu mótaröð heims.

Fyrir ári síðan komst Ólafía Þórunn í gegnum niðurskurðinn á sínu fyrsta LPGA-móti og endaði síðan í 69. sæti á fimm höggum undir pari samtals. Ólafía lék á 287 höggum (71-68-77-71) en par Ocean vallarins á Paradise Island er 73 högg.

Ólafía Þórunn mætir til leiks með nýjan aðstoðarmann í fyrsta móti ársins 2017. Nýi kylfuberinn hennar heitir Gary Wildman og hefur meðal annars starfað fyrir Emily Kristin Petersen og Charley Hull.

Þetta kemur fram á heimasíðu Golfsambandsins er þar kemur líka fram að Wildman búi yfir mikilli reynslu en hann mun starfa með Ólafíu Þórunni á nokkrum mótum í upphafi tímabilsins áður en ákvörðun verður tekin um framhaldið.