Glódís og Steinþór eignuðust barn í nótt: „Bídduuuuuu er þetta ekki pungur?“

Margverðlaunaða fimleikakonan Glódís Guðgeirsdóttir fæddi barn í nótt. Í tuttugu vikna sónar hafði foreldrunum verið tilkynnt að um væri að ræða stúlkubarn en öllum að óvörum var það lítill drengur sem heilsaði heiminum í nótt.

„Þessi lilli sem plataði alla mætti með trompi kl 3 í nótt. 2 sek eftir að hann var mættur heyrðist „bídduuuuuu er þetta ekki pungur!?“ enda hafði okkur verið tjáð að við ættum von á lillu í 20 vikna sónar,“ segir Glódís á Facebook.

Hún er í sambandi með Steinþóri Helga Arnsteinssyni. Steinþór er spurningahöfundur og dómari í Gettu betur og athafnamaður, og Glódís hefur meðal annars orðið Íslands-, Norðurlanda- og Evrópumeistari í hópfimleikum.

Hér fyrir neðan má sjá fallega mynd sem Glódís birti af drengnum á Facebook.