Tæplega tuttugu ára hjónabandi lokið

Louise og Jamie Redknapp eru skilin en frá þessu greina berskir fjölmiðlar í dag. Skilnaðurinn var staðfestur í gær en þau höfðu verið gift í 19 ár og hefðu fagnað tuttugu ára brúðkaupsafmæli í júní á næsta ári. Þau giftu sig árið 1998 og fór athöfnin fram á snekkjunni Lady Tamara í Bermúda.

Jamie Redkknapp var á sínum tíma atvinnumaður í knattspyrnu og lék meðal annars með Liverpool og Tottenham.

Louise er helst þekkt fyrir sönghæfileika sína og er hún mjög þekktur tónlistarmaður í Bretlandi en starfar helst sem sjónvarpskona í dag.