The Rock íhugar forsetaframboð

Leikarinn Dwayne Johnson, betur þekktur sem The Rock, er mjög litrík persóna og sýndi hann það enn eina ferðina í þætti Ellen DeGeneres í vikunni. Þar gaf hann til kynna að hann myndi bjóða sig fram til forseta Bandaríkjanna fyrir kosningarnar árið 2020.

Johnson mætti til Ellen ásamt Kevin Hart og ræddu þeir meðal annars um kvikmyndina Jumanji sem er að detta í kvikmyndahús.

Viðtalið þróaðist í þá átt að allt í einu snérist það um mögulegt forsetaframboð The Rock og spurði Ellen leikarann einfaldlega: „Ætlar þú að bjóða þig fram? Í alvörunni.“

„Ég er raunverulega að hugsa að bjóða mig fram,“ svaraði leikarinn eins og sjá má hér að neðan.