Fram skellti Aftureldingu í bikarnum | Þessi lið eru komin áfram

Sextán liða úrslitunum í bikarkeppni HSÍ, Coca Cola-bikarnum, laik í kvöld. Óvænt úrslit komu í einum leik.

Það var í leik Fram og Aftureldingar þar sem Fram vann sætan sigur, 30-26, eftir að hafa leitt 14-9 í hálfleik.

Arnar Birkir Hálfdánsson skoraði átta mörk fyrir Fram og Andri Þór Helgason sex. Árni Bragi Eyjólfsson fór hamförum í liði Aftureldingar og skorði tíu mörk. Sveinn Andri Sveinsson næstmarkahæstur með sex mörk.

1. deildarlið HK var engin fyrirstaða fyrir hið sterka lið FH. FH vann leikinn, 25-37, eftir að hafa leitt 13-19 í hálfleik.

Ísak Rafnsson skoraði átta mörk fyrir FH í kvöld og Ágúst Birgisson sjö. Óðin Þór Ríkharðsson skoraði sex. Kristófer Dagur Sigurðsson var atkvæðamestur í liði HK með sex mörk.

Haukar máttu hafa mikið fyrir sigri á ÍR en unnu að lokum tveggja marka sigur, 25-23.

Adam Haukur Baumruk og Hákon Daði Styrmisson skoruðu báðir fimm mörk fyrir Hauka. Daníel Ingi Guðmundsson og Þrándur Gíslason Roth skoruðu einnig báðir fimm mörk fyrir ÍR.

ÍBV lenti ekki í neinum vandræðum í Dalhúsum þar sem liðið vann sannfærandi sigur, 23-31, á Fjölni. ÍBV leiddi með átta marka mun í hálfleik, 12-20.

Theodór Sigurbjörnsson var sjóðheitur í liði ÍBV og skoraði átta mörk í kvöld. Kári Kristján Kristjánsson bætti sex mörkum við.

Brynjar Loftsson skoraði átta mörk fyrir Fjölni og Kristján Örn Kristjánsson fimm.

Þessi lið eru komin áfram í bikarnum:

Selfoss

FH

Fram

Þróttur R.

Haukar

ÍBV

Valur

Grótta