Sólrún Diego biður fólk um að láta unnusta sinn í friði

Þrifsnapparinn vinsæli Sólrún Lilja Diego biðlar til almennings um að láta unnusta sinn í friði.

Sólrún segir frá því á Snapchat-reikningi sínum (solrundiego) að Íslendingar séu farnir að hringja í Frans Veigar Garðarsson, unnusta hennar, til að fá svör frá þrifsnapparanum sjálfum. 

Sólrún hefur notið mikilla vinsælda á samfélagsmiðlum og á netinu þar sem hún hefur fjallað um þrif og hagnýt húsráð á skemmtilegan og nýstárlegan hátt. Hún gaf út bókina Heima fyrir jól sem fjallar einmitt um hagnýt húsráð.

Ekki er allt sem sýnist í heimi þrifasnappara eins og fjallað var um á Stöð 2 í gærkvöldi. Stærstu þrifasnapparar landsins hafa ekki talast við í lengri tíma.

Bergrún Mist birtir skjáskot af Snapchat-reikningi Sólrúnar á Twitter sem sjá má hér að neðan. Þar segir Sólrún: 

„Mig langar að biðja ykkur um að vera ekki að hringja í Frans til að spyrja um eitthvað, ég svara öllum fyrirspurnum á Instagram & Facebook like síðunni minni eins fljótt & ég get.“

Fólkið sem er að hringja í Frans hennar Sólrúnar Diego með fyrirspurnir needs to CHILL THE FUCK DOWN pic.twitter.com/ririgbuTDn

— Bergrún Mist (@BergrunMistJ) December 17, 2017