Fáum innblástur frá Frökkunum

Franska Vogue hélt um helgina svokallaða tískuhátíð eða Fashion Festival í frönsku höfuðborginni. Þangað mættu vinir og velunnarar blaðsins, áhugafólk um tísku sem og fagfólk í geiranum og báru saman bækur sínar, hlustuðu á fyrirlestra frá meðal annars tveimur kóngum í tískuheiminum, Karl Lagerfeld og Alber Elbaz. 

Auðvitað var einnig gaman að skoða klæðaburð smekklegra gesta en það komast fáir fatastílar með tærnar þar sem sá franski er með hælana. 

Afslappað er rétta orðið eða hið fullkomna jafnvægi milli þessa að vera ekki of fínn en samt ekki of hversdaglegur. Jakkafatajakkar í öllum sniðum og gerðum - lausar buxur - háir hælar - rauður varalitur og örlítið úfið hár. Já og svart, það var mikið um svartan klæðnað. 

Fáum innblástur frá Frökkunum fyrir jólahlaðborðin hér.