Jóhannes gjörbreytir hæð í Hlíðunum

Þátturinn Gulli Byggir var á dagskrá Stöðvar 2 í gærkvöldi og var fylgst með allsherjar yfirhalningu á hæð í Drápuhlíðinni í Reykjavík.

Jóhannes Helgi Gíslason keypti sér eignina í júlí í fyrra og fékk fljótlega leyfi til að breyta íbúðinni.

Jóhannes skoðaði 54 eignir árið 2016 áður en hann fjárfesti íbúðinni í Drápuhlíð. Markmiðið er að taka niður nokkra burðaveggi, stækka baðherbergið, færa til eldhúsið, mála og margt fleira.

Í þættinum í gær var fylgst með niðurrifinu og hvernig best sé að taka niður veggi. Íbúðin var í raun óþekkjanleg eftir þáttinn í gær og spurning hvernig útkoman verður en frá því verður greint í næsta þætti.

Hér að neðan má sjá brot úr þætti gærkvöldsins.