Opel frumsýnir flaggskipið Insignia

Aðdáendur glæsilegra bíla eiga gott í vændum á laugardaginn. Þá frumsýnir Bílabúð Benna gjörbreytta útgáfu af Insignia, hinu vinsæla flaggskipi Opel. Í fréttatilkynningu er staðhæft að með honum taki Opel sér stöðu sem nýr leiðtogi í sínum flokki.

Þar segir að ný Insignia sé endurhönnuð frá grunni, en byggi eftir sem áður alfarið á þýsku hugviti og þeim kostum sem gera þýska bíla eftirsótta um allan heim. Samkvæmt plani Opel er hann undanfari nýrrar kynslóðar hvað varðar hönnun, þar sem djarfar línur, jafnt að innan sem utan, fái að njóta sín til fulls, án þess að það bitni á innra rými bílsins.

Lögð er alveg sérstök áhersla á það hversu rúmgóð Insignia er. Allir fái því nóg pláss til að njóta ökugleðinnar hvar sem þeir sitja í bílnum. Aksturseiginleikar Insignia eru líka rómaðir og bíllinn því eins og sniðinn fyrir þá sem elska að keyra góða og glæsilega bíla.

Ný Insignia fæst bæði  fjögurra dyra, Grand Sport, og í station útgáfu. Þær verða frumsýndar hjá Bílabúð Benna, laugardaginn 18. nóvember, bæði að Tangarhöfða 8, í Reykjavík og Njarðarbraut 9 Reykjanesbæ. Allir eru velkomnir, milli kl. 10:00 og 16:00.