Hnúðlaxar veiðast í Soginu

Hnúðlaxar hafa verið að veiðast í Soginu upp á síðkastið og það hafa sést fleiri í ánni en veiðimenn hafa af þessu nokkrar áhyggjur.

Sigþór Hreggviðsson var við veiðar í Soginu og hann ásamt félögum sínum veiddu tvo hnúðlaxa en við vitum um að minnsta kosti fjóra í viðbót sem hafa veiðst í ánni. Það má þess vegna reikna með að það sé nokkuð um hnúðlaxa í Soginu. "Við fengum fimm laxa plús tvo Hnúðlaxa, misstum þann þriðja" sagði Sigþór í samtali við Veiðivísi.

Þeir félagar fengu einnig nokkuð af bleikju, urriða og 3 kg sjóbirting.  "Það er mjög mikið af fallegri bleikju á svæðinu öllu. Við vorum í þrjá daga og má segja að ekkert laxalíf hafi verið fyrir neðan Neðrigarð. Á þriðjudags hádegi 1/8 var búið að skrá 25 laxa auk 2 Hnúðlaxa. Slatti af silung en það er ekki algengt að mínu mati að fólk leggi sig mikið eftir honum. Hnúðlaxarnir fengust á Bíldsfell breiðu og í Útfallinu, báðir voru um 1,3 kg" nætir Sigþór við.

Besti tíminn er framundan á Bíldsfellinu en veiðimenn sem veiða hnúðlaxa í Soginu sem og öðrum ám á landinu eru benir um að skila sýnum eða löxunum til Veiðimálastofnunar.