ERDEM X H&M

H&M tilkynnti rétt í þessu samstarf sitt við tískuhúsið Erdem, við gerð fatalínu sem kemur í búðir þann 2.nóvember 2017. Þá verður H&M væntanlega komið hingað til landsins og getum við því byrjað að undirbúa okkur. H&M kynnir nýtt samstarf á hverju ári, og er það alltaf jafn mikið leyndarmál hver hönnuðurinn er hverju sinni. H&M tilkynnti um samstarfið á Instagram, með myndbandi sem tekið var af Baz Luhrmann.

,,Það er mikill heiður að vera í hópi hönnuða sem unnið hafa með H&M," segir Erdem Moralioglu. Erdem er kanadískur/tyrkneskur fatahönnuður staðsettur í London. Hann er helst þekktur fyrir rómantískar flíkur og falleg blómamynstur.

Við hjá Glamour munum fylgjast spenntar með samstarfinu.