Akkúrat opnar í miðbænum

Ný hönnunarperla í miðbænum. Verslunin Akkúrat fagnar opnun sinni í Aðalstræti 2 i dag og býður gestum og gangandi að rölta við, skoða fjölbreytt úrval og skála milli klukkan 15-18 í dag. Það er alltaf gleðiefni þegar ný verslun bætist í miðbæjarflóruna og af myndunum frá versluninni að dæma þá eiga fagurkerar von á góðu. 

Akkúrat er hönnunarbúð sem selur íslenska og norræna hönnun með velvöldum alþjóðlegum gersemum inn á milli. Búðin opnaði óformlega í síðustu viku og hefur nú þegar verið tekið fagnandi af borgarbúum. 

Akkúrat hlakkar því til að fá að bjóða fólk formlega velkomið í verslunina að skoða úrvalið og dreypa á fljótandi veigum. Hér er hægt að lesa meira um opnunina.