Nýjar vikutölur úr laxveiðiánum

Það er alltaf spennandi að fylgjast með vikutölum úr laxveiðinni og þá kannski sérstaklega þegar það er verið að fylgjast með ám þar sem næst á að heimsækja.

Það eru ágætar veiðitölur úr ánum þessa vikuna og greinilega mikill vöxtur í göngum en stærstu göngurnar eru þó framundan og eftir þær er líklega hægt að skjóta nærri lagi hvernig sumarið fer.  Þverá var með vikuveiði uppá 152 laxa en það var 6 löxum minna en Norðurá sem var með 158 laxa.  Langá gaf 121 lax, Miðfjarðará 101 og Blanda 102 en aðrar ár náðu ekki yfir 100 löxum í vikunni.

Eins árs laxinn sem er farið að bera á virðist koma vel haldinn úr hafi og er það í takt við það sem fyrstu hreistursýni gefa til kynna, það að vöxturinn í sjó hafi verið góður og reiknað er með því að endurheimtur á eins árs laxi verði góðar og þá sérstaklega á vesturlandi.  Topp fimm árnar eru hér að neðan en listann í heild sinni má finna á www.angling.is

1. Þverá/Kjarrá               408

2. Norðurá                      391

3. Urriðafoss/Þjórsá         365

4. Miðfjarðará                 271

5. Blanda                       228