Nýjar vikutölur úr laxveiðiánum

Nýjar tölur úr samantekt Landssambands Veiðifélaga á aflabrögðum í laxveiðiánum voru birtar í gær.

Það er víst hægt að segja með réttu að óvænta áin á þessum lista sé Þjórsá eða það svæði sem er veitt á í dag við Urriðafoss því þar eru komnir á land 305 laxar á tvær stangir frá opnun sem er ekkert annað en frábær veiði og gaman að sjá hvað þetta nýja svæði er að gera góða hluti.  Annars sýnist vönum mönnum þetta vera ágætis byrjun í flestum ánum en sumar árnar hafa klárlega verið að opna með meiru látum og má þar til dæmis nefna opnunarhollið í Miðfirði með 106 laxa, Langá með 38 laxa á einum degi og Haffjarðará með 52 laxa á fyrstu þremur vöktunum.

En opnunin segir ekki allt heldur er nú beðið eftir því að fyrstu smálaxagöngurnar fari að láta sjá sig og þá er hægt að spá frekar í það hvernig sumarið verður.  Topp 10 listinn er hér að neðan en heildarlistann má sjá á www.angling.is

1. Þjórsá Urriðafoss - 305 

2. Þverá/Kjarrá - 256 

3. Norðurá - 233

4. Miðfjarðará - 170

5. Blanda - 126

6. Haffjarðará - 76

7. Ytri Rangá - 45

8. Víðidalsá - 37

9. Laxá í Kjós - 31

10. Laxá í Leirársveit - 27