Ís-band frumsýnir nýjan Fiat Tipo

Íslensk-Bandaríska bílaumboð, umboðsaðili Fiat á Íslandi, frumsýnir laugardaginn 10. júní n.k., nýjan Fiat Tipo. Í boði eru tvær vélarstærðir í Tipo, 1400 rúmsentimetra 120 hestafla bensínvél með 6 gíra beinskiptingu og 1600 rúmsentimetra 120 hestafla díselvél með 6 gíra sjálfskiptingu. 

Fiat Tipo er fáanlegur sem 5 dyra hlaðbakur eða sem skutbíll og hægt er að velja um tvær útfærslur, Easy og Lounge. Báðar útfærslur bjóða upp á ríkulegan staðlabúnað, auk þess sem innra- og farangursrými er eitt hið mesta í þessum stærðarflokki bíla. Sem dæmi má nefna að farangursrými í Fiat Tipo skutbíl eru 520 lítrar. 

Meðal staðalbúnaðar í Tipo Easy má nefna, 16 álfelgur, fjarstýrðar samlæsingar, rafdrifnar rúður að framan og aftan, hita í framsætum, loftkælingu, rafstýrða og upphitaða hliðarspegla, bakkmyndavél, hraðastillir, Bluetooth tengingu ofl. Í Lounge útfærslu eru 17 álfelgur í boði, 7” upplýsingaskjár, regnskynjari, tölvustýrð miðstöð með loftkælingu svo eitthvað sé nefnt.  

Verð á Tipo Easy 5 dyra er frá 2.990.000 kr. Tiop Easy skutbíll kostar frá 3.190.000 kr. Allir nýir Fiat bílar eru boðnir með 5 ára ábyrgð. Boðið verður upp á reynsluakstur og rjúkandi heitt Lavazza kaffi verður á könnunni. Sýning Ís-Band verður opin á milli kl. 12 og 17 á laugardaginn.