Taylor Swift komin með nýjan kærasta

Fregnir herma að poppstjarnan unga Taylor Swift sé komin með nýjan kærasta upp á arminn. Sá heppni heitir Joe Alwyn, breskur leikari sem er rísandi stjarna í Hollywood. Tímaritið The Sun greinir frá því að þau séu búin að vera hittast í marga mánuði í leyni og nú sé sambandið orðið alvarlegt.

Fjölmiðlar hafa haft mikinn áhuga á ástarlífi Taylor í gegnum árin enda hefur hún átt marga þekkta kærasta eins og Harry Styles og Calvin Harris. Hún hefur einnig skrifað texta við mörg af sínum frægustu lögum um kærasta sína og ásarsorgina. Við óskum Taylor að sjálfsögðu til hamingju með nýja ráðahaginn og bíðum eftir næsta ástarlagi.