Breytt skipulag á tískuvikunni í New York

Skipuleggjendur tískuvikunnar í New York hafa ákveðið að breyta skipulaginu til þess að mæta þörfum fatahönnuða og kaupenda sem mæta á tískusýningarnar. Til þess að spara pening og tíma mun tískuvikan vera einum degi styttri í haust. Hingað til hefur tískuvikan í New York verið heil vika á meðan vikurnar eru aðeins 4-5 dagar í London og Mílanó. 

Þetta er gert til þess að nýta tímann betur í staðin fyrir að dreifa sýningunum yfir fleiri daga. Seinustu ár hafa þónokkur merki hætt að sýna á tískuvikunni í New York og eru þessar skipulagsbreytingar ætlaðar til þess að bregðast við þeirri þróun. 

Marc Jacobs mun ennþá loka tískuvikunni eins og hann hefur gert seinustu ár. Þetta árið munu svo Tom Ford og Calvin Klein opna vikuna.