Veikt pund styrkir stöðu Asos

Veikt gengi pundsins hefur reynst mörgum verslunum í Bretlandi erfiðleikum en það er svo sannarlega ekki hægt að segja um Asos. Netverslunin er ein sú stærsta þar í landi.

Eftir fall pundsins í kjölfar Brexit í júní í fyrra hefur verslunin verið að leggja aukna áherslu á erlenda markaði. Sala til annara landa jókst um 54% á seinasta ári. Þessi mikla aukning hefur haft jákvæð áhrif á rekstur fyrirtækisins og hefur fyrirtækið nú spáð því að heildarsalan árið 2017 muni aukast um 5% á milli ára. 

Eins og Íslendingar ættu að kannast við þá er orðið töluvert ódýrara fyrir okkur sem og önnur lönd að versla með pundinu. Asos hefur verið að leggja mikla áherslu á Rússland og Bandaríkin sem hefur greinilega skilað sér.