Beauty and the Beast slær fjölmörg met

Endurgerð kvikmyndarinnar Beauty and the Beast var frumsýnd um helgina víða um heim. Miðað við aðsóknina í myndina er augljóst að fólk hafi beðið með mikilli eftirvæntingu eftir henni þar sem hún hefur slegið fjölda meta. Myndin er sú stærsta sem Emma Watson hefur leikið í á eftir Harry Potter. 

Kvikmyndin átti stærstu opnunarhelgi allra tíma í Bandaríkjunum og Bretlandi af öllum myndum sem eru ekki bannaðar börnum. Það sem komið er Beauty and the Beast búin að hala inn 170 milljónum dollara í Bandaríkjunum og 350 milljónum dollara um allan heim. Opnunin er því sú stærsta í sínum flokki um allan heim eftir að hafa skriðið fram úr Finding Dory sem var frumsýnd á seinasta ári. 

Opnunin er sú sjötta stærsta í sögunni af öllum kvikmyndum. Þetta er einnig stærsta opnun á kvikmynd þar sem kona fer ein með stærsta hlutverkið.