Heljarstökk á risatorfærubíl

Ökumaðurinn Lee O´Donnell kom áhorfendum mikið á óvart með því að fara fyrst afturábak heljarstökk á risatorfærubíl sínum á Monster Jam Finals í Las Vegas nú um helgina, en hann fylgdi því eftir með því að fara áfram heljarstökk á bíl sínum við mikinn fögnuð áhorfenda.

Ekki er vitað til þess að neinn annar ökumaður hafi farið heljarstökk áfram á slíkum bíl, eða bara hverskonar bíl. Flestir áhorfendur héldu að þetta hefði Lee O´Donnell gert óvart, sn svo var ekki. Hann sagði að þetta stökk væri einmitt útreiknað og eitthvað sem hann og liðsfélagar hans hafa æft.

Það krefst þess að bíllinn prjóni og þegar hann kemur að næstu brekkuhindrun gefur hann bílnum hressilega inn og fær þannig afturenda bílsins til að skjótast upp og snúa bílnum í heilhring og lendingin var einkar vel heppnuð. Hann ofmetnast aðeins við þetta og reynir að fara annað heljarstökk afturbak og lendir þá á þakinu og fer ansi illa með bílinn.

Það er ekki fyrr en eftir rúmar 2 mínútur sem leikar fara verulega að æsast, en þess virði að horfa á takta hans alla.