Lygileg björgun

Þetta magnaða myndskeið náðist af flutningabíl í S-Kóreu um daginn. Með hreinum ólíkindum er að bíllinn skuli ekki velta en hann er lengi vel bara á tveimur hjólum og þarf ekki að halla nema eina gráðu til viðbótar til að fara á hliðina.

Hvort að hæfileikar bílstjórans eiga einhvern þátt í að allt fór vel skal ósagt látið en ef til vill eiga tilviljun og heppni stærri þátt. Víst má þó vera að örlítið hræddur bílstjóri hafi setið undir stýri eftir þessar óvenjulegu æfingar.

Hann virðist í upphafi gera þau mistök að fara of hratt og nálægt næsta bíl og neyðist því til að bremsa. Við það læsast afturhjólin og bíllinn snýst á veginum og hefst þá dansinn. Einnig er magnað að sjá hvernig fólksbíll, sem um tíma er undir veltandi flutningabílnum kemst framúr honum óskaðaður.