Cayenne S E-Hybrid sá grænasti

Auto Test - Ökotrend, óháð rannsóknarstofnun á sviði umhverfismála, birti á dögunum ítarlega úttekt sína í samnefndu fagriti. Þar er Porsche Cayenne S E-Hybrid plug-in sæmdur titlinum umhverfisvænasti bíllinn í sínum flokki árið 2017.

Í umhverfisúttekt stofnunarinnar er allur ferill bílanna undir, allt frá grunn framleiðslunni til endurvinnslu að líftíma loknum.  Í ár stóð Cayenne S E-Hybrid sig best í samanburðinum í jeppaflokki (SUV category). Með sigri sínum í samkeppninni um grænasta bílinn 2017 leggur Cayenne S E-Hybrid plug-in að velli tegundir einsog Mersedes GLE 500e og BMW X5 40e.

Þessi virti rannsóknaraðili, Auto Test - Ökotrend, hefur útnefnt umhverfisvænustu bíla á markaðnum á hverjum tíma í rúm tuttugu ár. Við matið er litið til margra þátta. Til viðbótar við hávaðamengun og útblástur eru lykilatriði matsins eldsneytisnotkun, gæði framleiðsluferla og endurvinnsla. Þá eru umhverfisvitund og samfélagsábyrgð einnig þættir í úttekt fyrirtækisins.