Hulunni svift af þaksviftum Mustang

Á föstudaginn síðasta kynnti Ford til leiks blæjuútgáfu af nýjustu kynslóð Mustang sportbílsins, en Ford hafði fyrr í vikunni kynnt einnig “Coupé”-útgáfu bílsins. Bílarnir eru eins búnir að öllu leiti og bjóðast með 2,3 lítra EcoBoost vélinni og 5,0 lítra V8 vél, sem báðar geta tengst nýrri 10 gíra sjálfskiptingu sem Ford hannaði í samstarfi við General Motors.

Blæjubíllinn og “Coupé”-útgáfan eru með breyttan framenda frá hefðbundnum Mustang og öðruvísi framljós, grill og húdd, sem er lægra en í grunnútgáfunni. Mælaborð bílanna beggja er líka breytt og bætt öryggiskerfi. Þá er hægt að stilla hljóðið úr pústkerfi bílanna og báðir fá þeir MagneRide fjöðrun.

Þó svo samskonar fjöðrunarkerfi sé undir þeim báðum má lækka blæjuútgáfuna á fjöðrum og það á ferð. Blæjuútgáfa Mustang fer líklega ekki í sölu fyrr en með haustinu og þá sem 2018 árgerð. Blæjan í honum er af samskonar gerð og í 2017 árgerð bílsins.